చెలిమి చెలమ

చెలిమివవుతావా జీవితమంతా
చెలమనవుతా హృదయమంతా
ఆతపత్రమవుతా ఎప్పటికీ జతగా
తరుచ్ఛాయనవుతా ఎన్నటికీ తోడుగా
వెన్నెలనవుతా చీకటి దరిచేరకుండా
ఊపిరినవుతా ప్రాణవాయువే నేనుగా
ఎద స్పందననవుతా గుండెగంటనై మోగుతా
పారాణినవుతా చరణాలనంటిన గోరింటగా
పెదవిపై మెరుపునవుతా నిత్యం చిరునవ్వుగా
చెలిమివవుతావా జీవితమంతా...
అడుగులో అడుగునవుతా తుదిగడియదాకా

- రాజాబాబు కంచర్ల