ఎద లోగిలి

ఎద లోగిలిలో తీర్చిదిద్దిన రంగవల్లివీవు
కను దోయలలో దాగున్న స్వప్నికవీవు
మది ఊహలలో విరిసిన రంగుల హరివిల్లువీవు
అణువణువునా ప్రవహించే ప్రేమధార నీవు
హృది లోయలలో దాగిన భావాలను రగిలిగించిన చైతన్యమీవు
నేస్తమై మనసు దోచిన సౌందర్యవల్లివీవు

నీవులేని నేను...
శృతితప్పిన పల్లవిని
మూగబోయిన గేయాన్ని
రంగు వెలసిన చిత్రాన్ని
ఛందస్సులేని పద్యాన్ని
దేవతలేని నిలయాన్ని
శిథిలమైన ఆలయాన్ని

- రాజాబాబు కంచర్ల