ప్రేమవృక్షం

వేళ్లు లోతుగా పాతుకుపోయిన
వటవృక్షానికి నీళ్లతో పనిలేదు
భూమిలోని నీటిఊటను పీల్చుకొని
పుష్పిస్తూ, ఫలిస్తూంటుంది
నిజమైన ప్రేమ కూడా అంతే...
ఎంత దూరాన వున్నా
పదేపదే కలవకపోయినా
చివురులు వేస్తూంటుంది
పరిమళిస్తుంది
నవనాడుల్లో పారుతుంది
కాంతి నాదమౌతుంది
శాంతి ధామమౌతుంది
చిగురించి
పుష్పించి
పరిమళించి
ఫలించి
వటవృక్షమంత విశాలంగా
విస్తరిస్తుందీ ప్రేమవృక్షం...

- రాజాబాబు కంచర్ల
02-08-2018