నీ తలపులు

నీ తలపులు మదిలో
చెలమలుగా ప్రవహిస్తుంటే
క్షణాలు నిమిషాలుగా
నిమిషాలు దినాలుగా
గడిచిపోతుంటే...
మదిలోని నీ రూపం
హృదయమంతా అల్లుకుంటుంటే
నీవెంత దూరంలో వున్నా
నీతో కలిసి నడుస్తూనే వుంటా...
నీ స్థానం ఎప్పటికీ పదిలం
నీవిచ్చే స్ఫూర్తి నా నడకకు ఆలంబనం
చివరి శ్వాస వరకూ...
నీ ఆరాధనలో మునగనీ
నీ కనుదోయి కనుపాపల్లే
ప్రేమసుమాలు విరియనీ...
విరహమైనా..ప్రణయమైనా
చెదరని నీ ప్రేమ సాక్షిగా
నిలువనీ తుదివరకూ....

- రాజాబాబు కంచర్ల
18-07-2018