మనసైన వారి నుంచి ప్రాధాన్యతను ఆశించడం
తనకంటూ గుర్తింపు ఉండాలని భావించడం
ఏ బంధంలోనైనా సర్వసాధారణం
ప్రథమం లేకపోవచ్చు
ద్వితీయ ప్రాధాన్యమూ లేకపోవచ్చు
చివరి ప్రాధాన్యమైనా ఉంటుందని ఆశించవచ్చు
కానీ, ప్రాధాన్యత లేనప్పుడు
ఒక ఎంపికగా మారినప్పుడు
ఆ స్థితిని వర్ణించడానికి
అక్షరమాల చాలదేమో.. ...
మనలోని తొందరపాటు గమనించి
వారి ప్రాధాన్యతను గుర్తించండి
వారి ప్రేమను పొందాలని భావించి
మన హృదయాన్ని అందించే లోపు
వారు ఈ లోకంలోనే లేకపోతే
ఆ
బాధను వర్ణించడానికి
ఆ కన్నీటికి అడ్డుకట్ట వేయడానికి
మనసు పడే వేదన చల్లార్చడానికి
ఏ అక్షరాలు సరిపోవు
ఏ ఓదార్పులూ సాటిరావు
మనసున్న మనిషికి చివరిగా మిగిలేది
వేదన... తీరని ఆవేదనే ...
కామెంట్‌లు
కామెంట్‌ను పోస్ట్ చేయండి